聽過您太多心事，但已經不再重要....
每個人身邊都有啲朋友正正常常
但情路總是崎嶇的人～
我身邊好多呢啲女仔朋友
我自己過去廿三年都是活在崎嶇的情路裡
果然咩人就會識到咩朋友
而我其中一個朋友幾星期前話我知
佢拍拖了！
然後我就諗起當年我地都是單身
兩個單戀經驗豐富既人遇上
分享住大家單戀既心 支持住大家
當年深夜巴士上傾訴既時光我仲記得。
佢見證過我單戀 之後遇上麥仔到拍拖
我都見證過佢盲左去鍾意人到表白等等
終於 我們兩個都拍拖了👏🏼👏🏼👏🏼
我終於明白 當日我話佢知我同麥仔拍拖佢既心情
當日佢都好替我開心好祝福我咖
下次再見面可以一齊分享幸福啦！
原來好朋友拍拖就好似嫁女一樣
您見證住佢受過很多傷 終於苦盡甘來得到幸福
真係會有點欣慰，好開心恭喜恭喜！
雖然只係拍拖又唔係結婚
但當年兩個單身的小姑娘等了這天好久了！
希望其他在崎嶇路上掙扎緊既朋友
都可以快點苦盡甘來～
不要放棄啦要繼續相信終會找到幸福💪🏿
Search